Аб кандыдаце ў дэпутаты абласнога Савета А. В. Букачу, яго прадвыбарчая праграма.
БУКАЧ
Антон Васільевіч
Нарадзіўся 7 красавіка 1937 года ў в. Гайкоўка Кобрынскага раёна ў шматдзетнай сялянскай сям’і. Працоўную сваю біяграфію пачаў у 15 гадоў памочнікам каваля ў калгасе «Зара» і адначасова вучыўся ў вячэрняй школе. З 1956 па 1959 гг. служыў у пагранічных войсках. Пасля звальнення ў запас і да 1961 года быў супрацоўнікам аддзела міліцыі, узнагароджаны медалём «За выдатную службу па ахове грамадскага парадку».
З 1961 па 1968 гг. працаваў акумулятаршчыкам, машыністам па рамонту электраабсталявання, аператарам КВПіА ў ЛВУ магістральных газаправодаў. У 1964 годзе закончыў Кобрынскую завочную сярэднюю школу рабочай моладзі, а ў 1965 г. паступіў на завочны факультэт Беларускага інстытута механізацыі сельскай гаспадаркі, які закончыў ў 1971 годзе па спецыяльнасці інжынер-электрык.
У гэтыя гады ў працоўнай біяграфіі А. В. Букача — работа інструктарам Кобрынскага гаркома КПБ, нам. дырэктара, а затым дырэктарам СПТВ-102 будаўнікоў. З 1982 года і да цяперашняга часу ён — дырэктар прафтэхвучылішча №105 народных Мастацкіх промыслаў. А. В. Букачу прысвоена званне «Заслужаны настаўнік Беларускай ССР», ён мае вышэйшую кваліфікацыйную катэгорыю.
А. В. Букач жанаты, мае сына.
Я выступаю за:
- зацвярджэнне моцнай заканадаўчай і выканаўчай улады, якая карыстаецца падтрымкай большасці народа;
-забарону ў сродках масавай інфармацыі прапаганды насілля, разбэшчанасці асобы, палітычнай нецярпімасці і нацыянальнай варожасці;
— устанаўленне ў поўным аб’ёме сацыяльных правоў, у тым ліку: права на працу і адпачынак, бясплатную адукацыю і ахову здароўя;
захаванне і абарону культурнай і маральнай спадчыннасці народа;
- забеспячэнне законнасці і правапарадку ў Рэспубліцы Беларусь;
- развіццё і роўнасць усіх форм уласнасці;
- роўнасць усіх грамадзян перад законам.
У выпадку выбрання мяне дэпутатам лічу галоўным сваім абавязкам абарону правоў сваіх выбаршчыкаў на жыццё, інтарэсы, жыллё, маёмасць і ахову здароўя, атрыманне адукацыі.
Асаблівую ўвагу ў сваёй дзейнасці звяртаць на праблемы выхавання пад- растаючага пакалення.
У цяперашні час, узначальваючы калектыў вучылішча, я стараюся рабіць усё, каб яго выпускнікі атрымалі добрую прафесіяналыіую падрыхтоўку.
На працягу чатырох гадоў я стаўлю задачу стварэння На базе нашага вучылішча вышэйшай навучальнай установы. Гэта дасць магчымасць атрымання вышэйшай адукацыі нашымі выпускнікамі, далейшаму развіццю народных мастацкіх промыслаў.
У гэтым годзе па нашай ініцыятыве і па папярэдняй дагаворанасці з рэктарам Брэсцкага педінстытута плануецца адкрыць філіял інстытута, у якім можна будзе весці падрыхтоўку выкладчыкаў выяўленчага мастацтва, чарчэння і народных мастацкіх промыслаў. Гэта дасць магчымасць адкрыць першую ў горадзе вышэйшую навучальную ўстанову, ахапіць вучобай у філіяле найбольш адораную моладзь.
Будучы выбраным дэпутатам абласнога Савета, я прыкладу ўсе сілы, каб сфарміраваць профільную кафедру філіяла, а ў перспектыве адкрыць на базе нашага вучылішча факультэт выяўленчага мастацтва.